موسیٰ خیل کے علاقے میں پاکستانی فورسز نے گھر پر چھاپہ مارکر ایک شخص کو جبری طور پر لاپتہ کردیا۔
ٹی بی پی کو ذرائع نے بتایا کہ بلوچستان کے ضلع موسیٰ خیل کے علاقے راڑہ شم سے پاکستانی فورسز نے گذشتہ شب ایک گھر پر چھاپہ مار کر محمد خان ولد میر احمد بزدار کو حراست میں لیکر نامعلوم مقام پر منتقل کردیا۔
مذکورہ شخص کے حوالے سے تاحال کسی قسم کی اطلاعات موصول نہیں ہوسکی ہے۔
اطلاعات کے مطابق موسیٰ خیل و چمالنگ کے علاقوں میں پاکستانی فورسز کے نقل و حرکت میں اضافہ دیکھنے میں آیا ہے۔ راڑہ شم و گردنواح سے بڑی تعداد میں لوگوں کے جبری گمشدگی کی اطلاعات ہیں تاہم اس حوالے سے تفصیلات آنا باقی ہے۔
حکام نے اس حوالے سے تاحال کوئی تفصیلات فراہم نہیں کی ہے۔
