بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ آواران کے علاقے بزداد اور کیچ کے علاقے زامران میں سرمچاروں نے قابض پاکستانی فوجی چوکیوں کو نشانہ بنایا جس میں دو فوجی اہلکار ہلاک اور ایک زخمی ہوا۔
انہوں نے کہا کہ بروز اتوار مورخہ بیس اکتوبر سہ پہر چار بجے زامران کے علاقے ڈیلکِک میں قائم قابض پاکستانی فوجی چوکی پر حملہ کیا، حملے کے نتیجے میں قابض فوج کا ایک اہلکار ہلاک اور ایک زخمی ہوا۔
ترجمان نے کہا کہ بروز پیر اکیس اکتوبر سہ پہر تین بجے سرمچاروں نے آواران کے علاقے بزداد میں گندہ کور کے مقام پر قائم قابض پاکستانی فوجی چوکی کو اسنائپر حملے میں نشانہ بنایا جس میں ایک فوجی اہلکار ہلاک ہوا۔
انہوں نے کہا کہ بلوچستان لبریشن فرنٹ ان دونوں حملوں کی ذمہ داری قبول کرتی ہے اور قابض دشمن کے مکمل انخلاء تک فورسز اور ان کے تنصیبات کو نشانہ بناتی رہیگی۔
