بلوچستان لبریشن فرنٹ کے ترجمان میجر گہرام بلوچ نے میڈیا کو بھیجے گئے اپنے بیان میں کہا ہے کہ سرمچاروں نے سترہ اکتوبر بروز جمعرات بوقت رات آٹھ بجے خاران شہر میں گزی روڈ پر قائم پاکستانی فورسز چوکی پر خود کار ہتھیاروں سے حملہ کرکے مورچے میں موجود ایک اہلکار کو ہلاک کیا اور اسکے بعد چیک پوسٹ پر گرینیڈ لانچروں سے حملہ کرکے مزید جانی و مالی نقصان پہنچایا۔
ترجمان نے کہا کہ حملے کے بعد خائف دشمن نے عوام میں خوف پیدا کرنے کے لئے اندھا دھند فائرنگ کی لیکن سرمچار بحفاظت اپنے محفوظ مقام کی جانب منتقل ہوگئے۔
میجر گہرام بلوچ کے مطابق دوسری کاروائی میں سرمچاروں نے سترہ اکتوبر کی شام جھاؤ کے علاقے کوہڑو میں قائم دشمن فوج کے مرکزی کیمپ کی حفاظتی مورچے میں موجود اہلکار کو اسنائپر سے نشانہ بنا کر ہلاک کیا۔
انہوں نے مزید کہا بلوچستان لبریشن فرنٹ ان دونوں حملوں کی ذمہ داری قبول کرتی ہے اور فورسز کے انخلاء تک ریاستی فوج اور تنصیبات کو نشانہ بنانے کا عزم کرتی ہے۔
