ضلع کیچ کے مرکزی شہر تربت کے تعلیمی چوک میں ایف سی چیک پوسٹ پر دھماکہ ، جونیئر افسر سمیت دو اہلکار زخمی ہوگئے۔
پولیس کے مطابق تعلیمی چوک تربت میں ایف سی 168 ونگ کی پوسٹ پر دھماکے کے نتیجے میں نائیک اشرف اور شاہی طاہر زخمی ہوگئے جنہیں علاج اور طبی امداد کے لیے ہسپتال پہنچایا گیا۔
دھماکے کے بعد پولیس اور خفیہ اداروں نے فوراً وہاں پہنچ کر جگہ کا معائنہ کیا اور حملہ آوروں کی تلاش کے لیے کارروائی شروع کردی ہے۔
