تربت ایڈووکیٹ شیما صابر کے بھائی کی جبری گمشدگی کے خلاف عدالتی کارروائیوں کے بائیکاٹ کا اعلان۔
کیچ بار ایسوسی ایشن کے سنیئر رکن شیما صابر ایڈووکیٹ کے بھائی مدثر صابر کو کل بدھ کو تربت گوادر اسٹاپ سے گاڑی سوار مسلح افراد نے جبری گمشدگی کے بعد لاپتہ کردیا۔
ایڈووکیٹ کے بھائی کی جبری گمشدگی کے خلاف کیچ بار ایسوسی ایشن، گوادر بار اور کوئٹہ میں وکلا نے آج جمعرات کو عدالتی کارروائیوں کے بائیکاٹ کا اعلان کیا ہے۔
مختلف بار ایسوسی ایشنز نے وکلا کو ہدایت کی ہے کہ وہ کسی عدالت کے سامنے پیش ہونے سے گریز کریں۔
وکلاء نے مطالبہ کیا ہے کہ مدثر صابر کو فوری طور پر بازیاب کریں بصورت دیگر احتجاج میں شدت لائینگے۔
