بلوچستان کے ضلع پنجگور میں آج صبح پاکستانی فورسز کے ہاتھوں لاپتہ ہونے والے سگے بھائی صابر نور اور عابد کے اہلخانہ نے احتجاجاً سی پیک روڈ کو بند کردیا ہے۔
سی پیک روڈ کو پنجگور کے علاقے سرادک زم زم ہوٹل کے مقام پر لواحقین نے دھرنا دے کر بلاک کیا ہے۔
لواحقین کی جانب سے اس سے قبل آج پریس کانفرنس بھی کی گئی جہاں انہوں نے انتظامیہ کو دو بجے کا وقت دیا کہ دونوں بھائیوں کو بازیاب کیا جائے بصورت دیگر احتجاجاً سی پیک روڈ کو بلاک کیا جائے گا۔
خیال رہے کہ مذکورہ دونوں بھائیوں کو آج صبح پاکستانی فورسز نے پنجگور کے علاقے تارآفس میں چھاپہ مارکر حراست میں لیا تھا۔
