پاکستانی فورسز نے جبری گمشدگی کے شکار رہنے والے نوجوان کو بازیابی کے بعد ایک بار پھر حراست میں لے کر لاپتہ کردیا ہے۔
تفصیلات کے مطابق پاکستانی فورسز نے گذشتہ دنوں بلیدہ سے ایک شخص کو حراست میں لےکر لاپتہ کیا ہے جس کی شناخت نصرم ولد پیربخش کے نام سے ہوئی ہے۔
خیال رہے کہ مذکورہ نوجوان کو اس سے قبل بھی پاکستانی فورسز نے حراست میں لیا تھا۔ جو تیرہ جون کو بازیاب ہوا تھا۔
واضح رہے کہ مذکورہ نوجوان کو اس دفعہ لواحقین کی جانب سے تربت میں دی گئی دھرنے کے بعد فورسز نے بازیاب کیا تھا، اب ایک بار پھر فورسز نے اس کو حراست میں لیا ہے۔
