کوئٹہ سے جبری لاپتہ ظہیر کی زوجہ نے کہاہے کہ ظہیر بلوچ کو 27 جون سے لاپتہ کیا گیا ہے جبکہ پچھلے تین دنوں سے ہم ان کی بازیابی کے لیئےسراپا احتجاج ہیں
اور اب تک انتظامیہ کی طرف سے کوئی بااختیار نمائندہ نہیں آیا جو ہمارے مطالبات پر کوئی خاطر خواہ اقدامات اٹھا سکے۔
انہوں نے کہاکہ اسی سلسلے میں ظہیر بلوچ کے باحفاظت بازیابی کے لیئے ہم کل ایک ایکس کمپین چلانے جارہے ہیں جس میں بلوچ قوم کے ساتھ ساتھ تمام سیاسی و سماجی اور انسانی حقوق کے نمائندوں سے شرکت کرنے کی اپیل کرتے ہیں۔
واضح رہے کہ لواحقین کا آج تیسرے روز دھرنا کوئٹہ کے علاقے سریاب میں جاری ہے جہاں لواحقین نے سڑک کو بلاک کرکے ہر قسم کے آمد و رفت کے لئے مکمل بند کردیا ہے۔
گذشتہ دنوں ضلعی انتظامیہ کے ساتھ لواحقین نے مذاکرات بھی کئے تاہم مذاکرات کامیاب نہ ہونے کی صورت میں دھرنا جاری ہے۔
لواحقین کا کہنا ہے ظہیر بلوچ کی بازیابی تک دھرنا جاری رہے گا جبکہ گذشتہ روز ایک ریلی بھی نکالی گئی تھی اس سے قبل لواحقین نے کوئٹہ میں پریس کانفرنس کرتے ہوئے ان کے بازیابی کا مطالبہ کیا تھا۔
