ضلع کیچ کے دو مختلف مقامات پر نامعلوم مسلح افراد نے پاکستانی فوج کے چوکیوں کو حملوں میں نشانہ بنایا ہے۔
تفصیلات کے مطابق ضلع کیچ کے علاقے ہیرونک میں پہاڑی پر قائم پاکستانی فوج کے چوکی کو نامعلوم افراد کی جانب سے نشانہ بنایا گیا ہے۔
علاقائی ذرائع کا کہنا ہے کہ حملے کے وقت شدید فائرنگ اور دھماکوں کی آوازیں سنیں گئیں ہیں۔ تاہم حکام کا موقف تاحال سامنے نہیں آیا ہے۔
دوسری جانب ضلع کیچ کے علاقے زامران پگنزان میں نامعلوم مسلح افراد نے پاکستانی فوج کے چوکی کو حملے میں نشانہ بنایا ہے۔
خیال رہے کہ مذکورہ علاقوں میں بلوچ آزادی پسند مسلح تنظیمیں متحرک ہیں تاہم ان حملوں کی ذمہ داری تاحال کسی نے قبول نہیں کی ہے۔
