اٹھارہ سالہ براہمدگ ولد نواز سکنہ دازن تحصیل تمپ کو کل رات گئے پاکستانی فورسز نے ان گھر سے دوسری مرتبہ جبری گمشدگی کا نشانہ بنا کر لاپتہ کر دیا۔
لواحقین کے مطابق پاکستانی فورسز نے کل رات گھر پہ چھاپہ مارکر گھر والوں کو تشدد کا نشانہ بنایا، گھر والوں کے موبائل فون چھینے اور براہمدگ کو حراست میں لینے کے بعد لاپتہ کردیا۔
خیال رہے کہ براہمدگ کو اس سے پہلے 14 اکتوبر 2023 کو بھی فورسز نے جبری گمشدگی کا نشانہ بنایا تھا جسے بعد ازاں 6 فروری 2024 کو چھوڑ دیا گیا تھا۔
اہلخانہ کا کہنا ہے کہ براہمدگ کی دوبارہ جبری گمشدگی سے گھر والے شدید اذیت کے شکار ہیں، انہوں نے براہمدگ کی بازیابی کا مطالبہ کیا ہے۔
