وائس فار بلوچ مسنگ پرسنز کے چیرمین نصراللہ بلوچ نے اپنے جاری بیان میں کہا کہ وی بی ایم پی کی جانب سے عید کے روز چار بجے کوئٹہ پریس کلب کے سامنے لاپتہ افراد کی عدم بازیابی، جبری گمشدگیوں، لاپتہ افراد کے قتل کے خلاف احتجاج کیا جائے گا ۔
انہوں نے تمام سیاسی پارٹیوں اور طلباء تنظیموں سمیت اہل کوئٹہ سے احتجاج میں شرکت کرنے کی اپیل کی۔
واضح رہے کہ بلوچستان میں ہرسال عید کے دنوں میں جبری لاپتہ افراد کے لواحقین اپنے پیاروں کی بازیابی کے لئے سڑکوں پر احتجاج کرتے ہیں ۔ لواحقین کا کہنا ہے کہ ہمارے گھروں میں عید سمیت ہر تہوار کی خوشیاں ماند پڑچکی ہیں ۔
