سبی: پاکستانی فوج پر حملے

323

بلوچستان کے ضلع سبی میں آج صبح مسلح افراد نے پاکستان فوج کے ایک پوسٹ اور پیدل اہلکاروں کو حملوں میں نشانہ بنایا ہے۔

اطلاعات کے مطابق سبی کے علاقے کرمووڈھ میں آج صبح مسلح افراد نے پاکستان فوج کے کیمپ پر مختلف ہتھیاروں سے حملہ کردیا۔

دریں اثناء مذکورہ علاقے میں گشت پر معمور فورسز اہلکاروں پر بھی مسلح افراد نے حملہ کیا۔

حکام نے اس حوالے سے تاحال کوئی تفصیلات فراہم نہیں کی ہے۔

علاقائی ذرائع کے مطابق مذکورہ کیمپ کو ایک روز قبل بھی حملے میں نشانہ بنایا گیا تھا جس کے بعد فوجی ہیلی کاپٹر ممکنہ طور پر اپنے زخمی یا ہلاک اہلکاروں کو لیجانے کیلئے پہنچی تھی۔

خیال رہے بدھ کی شب بلوچ لبریشن آرمی کے سرمچاروں نے مذکورہ کیمپ کو حملے میں نشانہ بنایا تھا۔ ترجمان جیئند بلوچ کا کہنا تھا کہ سنائپر حملے کے بعد سرمچاروں نے بھاری ہتھیاروں سے دشمن پر حملہ کیا۔ حملے میں کم از کم دو دشمن اہلکار زخمی ہوگئے۔

آج ہونے والے حملوں کی ذمہ داری تاحال کسی نے قبول نہیں کی ہے۔