بلوچ یکجتی کمیٹی کے رہنما ڈاکٹر ماہ رنگ بلوچ نے کہا ہے کہ عید کے موقع پر اور رمضان المبارک کے مہینے میں خضدار میں بم دھماکہ بلوچ نسل کشی کے واقعات کا تسلسل ہے۔
انہوں نے کہاکہ ریاست نے جرائم پیشہ گروہوں اور افراد کو بلوچ سرزمین پر خون کی ہولی کھیلنے کی اجازت دے رکھی ہے لیکن بلوچ اس استثنیٰ اور اجارہ داری کے خلاف مزاحمت جاری رکھیں گے۔
واضح رہے کہ کل خضدار میں بم دھماکہ تجارتی مرکز عمرفاروق چوک کے قریب ہوا تھا۔
دھماکا شہر کے گنجان آباد کاروباری علاقے عمر فاروق چوک پر اس وقت ہوا جب بڑی تعداد میں لوگ عید کی خریداری میں مصروف تھے۔ جس سے دو افراد ہلاک پانچ زخمی ہوئے تھے ۔
