بلوچستان کے ساحلی شہر گوادر میں پاکستانی فوج پر ہونے والے ایک حملے میں ابتک اطلاعات کے مطابق پاکستانی فورسز کے دو اہلکار ہلاک اور چار زخمی ہوئے ہیں۔
تفصیلات کے مطابق گوادر کے علاقے سیاجی کے پہاڑی علاقے میں پاکستانی فورسز کے بم ڈسپوزل اسکواڈ پر حملہ ہوا ہے۔
حکام نے واقعہ کی تصدیق کرتے ہوئے کہا کہ حملے میں دو اہلکار ہلاک اور چار زخمی ہوگئے۔
پولیس کا کہنا ہے کہ فورسز پر اس وقت گھات لگا کر حملہ کیا گیا جب وہ چوکیوں کی طرف جارہے تھے۔
