بلوچ قوم نواز رہنماء عبدالنبی بنگلزئی نے اپنے بیان میں چمن کے پر امن مظاہرین پر تشدد کی مذمت کرتے ہوئے کہا چمن کے عوام کے احتجاجی کیمپ پر سرکاری فورسز کاحملہ، تشدد اور گرفتاریاں قابل مذمت اور شرمناک ہیں۔
انھوں نے کہا انگریزوں نے اپنےمقاصد کے لیے پشتون اور بلوچ کو تقسیم کیا، پاکستانی ریاست محکوم و قابض اقوام کی تاریخی زمین کو اپنی کالونی سمجھ کر اپنے غیر انسانی اقدامات کو پروان چڑھا رہی ہے۔ پاکستانی مظالم کے خلاف مظلوم اقوام کی مزاحمت قابل ستائش ہے۔
عبدالنبی بنگلزئی نے کہا ڈیورنڈلائن نہ پہلے منظور تھا اور نہ اب منظور ہے، چمن کے عوام کے مطالبات جائز ہیں لیکن ناجائز ریاست انھیں تسلیم کرنے سے انکاری ہے۔
