بلوچستان کے ضلع سبی اور ڈیرہ مراد جمالی میں پاکستانی فورسز کو دو مختلف واقعات میں فائرنگ اور بم حملے کرکے نشانہ بنایا گیا ہے۔
گذشتہ روز شام کے وقت سبی کے علاقے بختیار آباد میں ریلوے اسٹیشن پر تعینات پاکستانی فورسز ایف سی اہلکاروں کو دستی بم حملے میں نشانہ بنایا گیا، دھماکے کے بعد حملہ آور نامعلوم سمت فرار ہوگئے۔
ایک اور واقعے میں گذشتہ رات ڈیرہ مراد جمالی میں ڈیر شاخ پٹھان ڈپ کے مقام پر پولیس پر مسلح افراد نے فائرنگ کرکے نشانہ بنایا اور فرار ہوگئے۔
دونوں حملوں میں نقصانات کے حوالے سے تاحال حکام نے کوئی موقف پیش نہیں کیا ہے۔
