بلوچستان کے ضلع حب کے علاقے ناکہ کھارڑی کے رہائشیوں نے کہا ہے کہ پاکستان کوسٹ گارڈ ناکہ کھارڑی نے گوٹھ کا راستہ گھڑے کھود کر بند کردیا ہے اور گوٹھ کے مقامی لوگوں پر تشدد کیا ہے ۔
رہائشیوں نے کہاکہ سرکار ہمیں پکی سڑک نہیں دے پائی اپنی مدد آپ راستہ بنائے ہیں ، اور اب انہی راستوں کو فورسز بند کرررہی ہے۔
رہائشیوں کے مطابق آج انکے پرامن احتجاج پر کوسٹ گارڈ لاٹھی چارج سے آٹھ زائد مظاہرین زخمی ہوئے ہیں
۔تفصیلات کے مطابق ناکہ کھارڑی کوسٹ گارڈ چیک پوسٹ کی جانب سے قریبی مقامی گوٹھ کا راستہ بند کرنے اور گوٹھوں کے مکینوں پر تشدد کے خلاف موندرہ یکجہتی کونسل نے ناکہ کھارڑی کے سامنے مین شاہراہ بلاک کردی مظاہرین کے مطابق کوسٹ گارڈ اہلکار نے پرامن مظاہرین پر لاٹھیاں برسائیں جس سے 8 سے زائد مظاہرین زخمی ہوئے۔واضح رہے کہ اب روڈ ٹریفک کے لیے کھلا ہوا ہے
