بلوچستان کے مرکزی شہر کوئٹہ میں نامعلوم مسلح افراد نے فائرنگ کرکے پولیس اہلکار کو ہلاک کردیا ہے۔
فائرنگ کا واقعہ سیٹلائٹ ٹاؤن مکران روڈ پر پیش آیا۔ہلاک اہلکار کی شناخت محمد افضل کے نام سے ہوئی ہے۔
پولیس کے مطابق مذکورہ اہلکار موٹر سائیکل پر گھر سے ڈیوٹی پر یونیورسٹی جارہا تھا کہ مسلح افراد کا نشانہ بنا۔
خیال رہے کہ کوئٹہ میں چوبیس گھنٹے کے دوران فائرنگ کے دو مختلف واقعات میں دو پولیس اہلکار ہلاک ہوئے ہیں گزشتہ روز مشرقی بائی پاس پر فائرنگ سے پولیس اہلکار ہلاک ہوا تھا۔
