نیوزی لینڈ کی کم عمر رکن پارلیمنٹ نے اپنی پہلی تقریر اپنی مقامی کمیونٹی کی زبان ’ماوری‘ میں کرکے یادگار بنا دی۔
150 سالہ تاریخ کی سب سے کم عمر رکن پارلیمنٹ ’ہنا روہیتی میپی کلارک‘ نے اپنی پہلی تقریر ہی یادگار بنا ڈالی۔
ہنا روہیتی میپی کلارک ایم پی کی عمر صرف 21 برس ہے۔ گزشتہ سال اکتوبر کے عام انتخابات میں انہوں نے کامیابی حاصل کی تھی۔
بدھ کے روز میپی ہانا-روہیتی میپی-کلارک ایم پی نے نیوزی لینڈ کی پارلیمنٹ میں اپنی پہلی تقریر کی۔ تقریر میں انہوں نے مقامی آبادی کی زبان میں ہاکا کیا اور ماوری میں تقریر کی۔
انہوں نے کہا کہ ‘ہم آچکے ہیں، لیکن ہمیں بہت طویل سفر طے کرنا ہے، ہم یہاں ہیں، ہم جہاز رانی کر رہے ہیں، بالکل اپنے آباؤ اجداد کی طرح۔’
‘انہوں نے کہا ‘میں اس ایوان میں کہی گئی ہر بات کو ذاتی طور پر تصور نہیں کرسکتی۔ صرف 14 دنوں میں اس حکومت نے میری کمیونٹی پر حملہ کیا ہے، میں کسی چیز کو کیسے اپنی ذات پر نہ لوں، جب یہ محسوس ہوتا ہے کہ یہ پالیسیاں میرے بارے میں بنائی گئی ہیں؟
انہوں نے اپنی کمیونٹی کی نمائندگی کرتے ہوئے کہا کہ ’میں اس ایوان سے خوفزدہ نہیں ہوں، میں اس بات کو یقینی بناؤں گی کہ ہمارے بچے ہماری بات سنیں گے۔‘
’21 سال کی عمر میں، میں یقینی طور پر کہہ سکتی ہوں کہ یہ منصوبہ نہیں تھا۔ یہ ایوان ایسے معاملات کے ساتھ چھیڑ چھاڑ کرتا رہا جن کو انہیں ہاتھ نہیں لگانا چاہیے۔ میں اسی لیے یہاں آئی ہوں۔‘
ہنا روہیتی میپی کلارک کی تقریر کے دوران اراکین پارلیمنٹ خاموشی سے بیٹھے رہے۔
ہنا روہیتی میپی کلارک نے واضح کیا کہ ان کی تقریر ان کی کمیونٹی کے لوگوں کے ماضی، حال اور مستقبل کے لیے تھی
۔’جب بھی تم میری آواز سنو گے، اس میں میرے آباؤ اجداد کی گونج سنائی دے گی۔ جب بھی آپ میری آنکھوں میں دیکھو گے، آپ کو وہ بچے نظر آئیں گے جو بچ گئے ہیں، اگلے 3 سالوں میں، آپ تاریخ کو بغیر قلم کے خود کو دوبارہ تحریر ہوتے ہوئے دیکھیں گے۔’
تقریر کے اختتام پر اراکین پارلیمنٹ نے میپی کلارک کے لیے کھڑے ہوکر تالیاں بجائیں اور انہیں مبارکباد دی، پارلیمنٹ کی بالکونی میں موجود ان کے حامی ان کی تقریر پر جھومتے رہے۔
واضح رہے کہ 2 ہفتے قبل ہزاروں افراد نیوزی لینڈ کی سڑکوں پر احتجاجاً آگئے، جب وزیر اعظم کرسٹوفر لکسن کی حکومت نے اعلان کیا کہ وہ 180 سال قبل ولی عہد اور ماوری رہنماؤں کے درمیان طے پانے والے معاہدے پر نظرثانی کا معاملہ ختم کر دیں گے۔
نیوزی لینڈ کی حکومت نے یہ بھی اعلان کیا ہے کہ وہ سرکاری اداروں میں ماوری زبان کے نفوذ کو کم کرے گی۔
