نیشنل ڈیموکریٹک پارٹی نے جاری ایک بیان میں کہا ہے کہ پارٹی کی جانب سے ریکوڈک کے خفیہ معاہدے کے نقولات حاصل کرنے کے لیے دائر کردہ پیٹیشن ہائی کورٹ میں زیر التویٰ ہے جس کا تحریری فیصلہ اب تک نہیں ہو سکا ہے جبکہ اس کے بر عکس خفیہ معاہدات پر بلوچ عوام کی جانب سے اٹھائے گئے اعتراضات کو بالائے طاق رکھ کر وفاقی حکومت کا سعودی عرب کو اس خفیہ معاہدے میں شامل کرنا سخت تشویش کا سبب بن رہا ہے۔ بلوچ سر زمین پر ہونے والے کسی بھی معاہدے سے متعلق آگاہی رکھنا یہاں کے عوام کا بنیادی حق ہے جس سے محروم رکھا جا رہا ہے۔
انہوں نے کہاکہ دہائیوں سے نوآبادیاتی پالیسیوں کے تحت عالمی سامراجی قوتوں کے ذریعے بلوچستان کے وسائل کا بے دریغ لوٹ مار کیا جا رہا ہےاور اس تمام مرحلے میں لینڈ ایکوزیشن ایکٹ کے کالے قانون کو بے جا استعمال میں لایا جا رہا ہے۔ ریاست کو چاہئے تھا کہ ان زمینوں کو بلوچ عوام کی فلاہ و بہبود، صحت و تعلیمی ضروریات کو پورا کرنے کے لئے استعمال میں لایا جاتا مگر اس کے بر عکس بلوچ عوام کو اپنے آبائی علاقوں سے بے دخل کر کے اسی کالے قانون کے تحت سامراجی قوتوں اور ملٹی نیشنل کمپنیوں سے بلوچ سرزمین کا کھوڈیوں کے دام سودہ کیا جا رہا ہے۔ اسکے علاوہ ان کمپنیوں کےبلا مشروط مضر صحت کیمیکلز اور زہریلے دھوئیں چھوڈنے جیسے عوامل سے ماحولیاتی آلودگی دن بدن بگڑتی جا رہی ہے جس کی وجہ سے قریبی آبادی مختلف بیماریوں سے دوچار ہے۔
انہوں نے کہاکہ ہم ایک دفعہ پھر واضح کرتے ہیں کہ ریکوڈک سمیت بلوچ سائل وسائل کی بنیاد پر کسی بھی خفیہ معاہدے کو مسترد کرتے ہیں اور واضح کرتے ہیں کہ بلوچ عوام اس وقت تک کسی بھی معاہدے کو قبول نہیں کرے گی جب تک اس خفیہ معاہدے کو آویزاں نہیں کیا جاتا۔
