ترک میڈیا کے مطابق خفیہ ایجنسی نے داعش کے ذمہ دار عبداللہ ال جندی کو گرفتار کر لیا ہے۔ دعویٰ کیا گیا ہے کہ وہ شام کے شہر حلب میں فرات ڈھال اور شاخ زیتون آپریشن کے علاقے میں ترک حفاظتی قوتوں کے خلاف کارروائی کرنے کی تیاری کر رہا تھا۔
حفاظتی ذرائع سے حاصل کردہ معلومات کے مطابق، خفیہ ایجنسی نے طے کیا کہ عبداللہ ال جندی ،جس کی عرفیت “خطاب المہاجر” ہے، جو داعش کا لیڈر ہے، شام میں ترک حفاظتی قوتوں کی گاڑیوں پر حملے کی منصوبہ بندی کر رہا تھا۔
آپریشن فرات ڈھال کے علاقے میں ترک خفیہ ایجنسی اور شام کی قومی فوج کے زیر قیادت مقامی حفاظتی قوتوں کے آپریشن کے دوران الجندی کو زندہ پکڑ لیا گیا۔
اپنے بیان میں، الجندی نے اعتراف کیا کہ داعش فرات ڈھال اور شاخ زیتون آپریشن کے علاقے میں ترک حفاظتی قوتوں کے خلاف کارروائی کی تیاری کر رہی ہے۔
یہ بتاتے ہوئے کہ داعش کے ارکان اس تناظر میں وقتاً فوقتاً جاسوسی کی سرگرمیاں انجام دیتے ہیں، الجندی نے تنظیم کے ان ارکان کے بارے میں بھی معلومات فراہم کیں جو اس کارروائی کو انجام دینے کے لیے تیار ہیں۔
