بلوچستان کے ضلع نصیر آباد سے اطلاعات ہیں کہ پاکستانی فورسز نے ایک شخص کو حراست میں لے کر جبرے لاپتہ کردیا ہے جبکہ تربت سے لاپتہ ہونے والا ایک شخص بازیاب ہوکر گھر پہنچ گیا۔
لاپتہ ہونے والے شخص کی شناخت قیصر ولد گزی خان کے نام سے ہوئی ہے۔
ذرائع کا کہنا ہے دو روز قبل پاکستانی فورسز نے چھتر گوٹ میھانی کے مقام پر گھر پر چھاپہ مارکر مذکورہ شخص کو حراست میں لیا۔
دوسری جانب رواں سال بائیس نومبر کر تربت کے علاقے آبسر ڈکی بازار سے لاپتہ ہونے والا احمد ابراہیم بازیاب ہوکر گھر پہنچ گیا۔
