بلوچستان کے ضلع کیچ سے اطلاعات ہیں کہ نامعلوم مسلح افراد نے فائرنگ کرکے ایک شخص کو ہلاک کردیا جبکہ فائرنگ کی زد میں آکر ایک خاتون زخمی ہوئی ہے۔
فائرنگ کا واقعہ کیچ کے نواحی علاقے گورکوپ کے مقام پر پیش آیا ہے۔
علاقائی ذرائع کے مطابق رات نو بجے کے قریب موٹر سائیکل سواروں نے فائرنگ کرکے ایک شخص ہلاک کردیا جس کی شناخت ڈاکٹر علی جان ولد صاحب داد کے نام سے ہوئی ہے جبکہ گولیاں لگنے سے اسکی بھابی زخمی ہوئی ہے۔
زخمی خاتون کو علاج کے لیے ٹیچنگ ہسپتال تربت منتقل کردیا گیا۔ تاہم واقعہ کے محرکات تاحال معلوم نہیں ہوسکے ہیں۔
