بلوچستان کے ضلع ڈیرہ بگٹی میں مسلح افراد نے گاڑیوں کے ایک قافلے کو نشانہ بنایا ہے۔ حملے میں ایک شخص ہلاک ہوگیا۔
لیویز کے مطابق چیف آف کلپر جلال کلپر اور چیف آف موندرانی وڈیرہ محمد بخش موندرانی کے قافلے کو جن موڑ کے قریب نامعلوم افراد نے نشانہ بنایا، حملے کے نتیجے میں ایک شخص ہلاک اور چار زخمی ہوئے ہیں۔
حملے کی اطلاع ملتے ہی لیویز اہلکار جائے وقوعہ پر پہنچ گئے، اور زخمیوں کو ہسپتال منتقل کردیا گیا ہے جہاں دو کی حالت نازک بتائی جارہی ہے۔
تاہم حملہ آوروں کے بارے میں دیگر معلومات سامنے نہیں آسکی ہے۔
