بلوچ آزادی پسند رہنماء ڈاکٹر اللہ نذر بلوچ نے سماجی رابطے کی ویب سائٹ ٹوئٹر پر لکھا ہے کہ آزادی پسند دوستوں سے دست بستہ اپیل کرتا ہوں کہ وہ سوشل میڈیا کو اپنوں کے خلاف استعمال کرنے کی بجائے دشمن کے خلاف استعمال کریں۔
انہوں نے کہا کہ سوشل میڈیا پر ایک دوسرے کے خلاف بیان بازی کا تجربہ پہلے بھی ہوچکا ہے جس سے بلوچوں کی بجائے دشمن نے فاہدہ اٹھایا ہے۔
ڈاکٹر اللہ نذر بلوچ نے کہا کہ یہ ففتھ جنریشن وار ہے جو دشمن ہمارے خلاف استعمال کررہا ہے ہمیں بھی اسی طرح دشمن کے خلاف سوشل میڈیا کو استعمال کرنا چاہیے۔
انہوں نے کہا کہ بلوچ قومی جہد میں جس نے ایک قدم بھی ساتھ چلا ہو وہ بھی ہماری سر آنکھوں پر، اگر وہ دشمن کی قید میں ہو، بیرون ملک ہو یا وطن میں ہو وہ اپنے دشمن کی پہچان کرے. بلوچ جہاں پہ بھی ہو وہ قومی تحریک کی بنیادی مقصد کو سمجھ لے اور فکری و شعوری طور آگے کی جانب قدم بڑھائے۔
