بلوچستان کے ضلع خضدار اور پنجگور سے پاکستانی فورسز نے دو سگے بھائیوں سمیت پانچ افراد کو جبری گمشدگی کا شکار بناکر نامعلوم مقام منتقل کردیا ہے۔
تفصیلات کے مطابق خضدار کے علاقے کوڑاسک دوہلیڑی میں گذشتہ تین دنوں سے فوجی آپریشن جاری ہے دوران آپریشن فورسز نے دو سگے بھائیوں کو حراست میں لے کر لاپتہ کردیا ہے۔
خضدار سے لاپتہ ہونے والوں میں بشیر احمد ولد تاج محمد سمالانی اور انکے چھوٹے بھائی شامل ہیں۔
علاقائی ذرائع کے مطابق پچھلے تین دنوں سے فورسز کی آپریشن جاری ہے جو علاقے سے بڑی تعداد میں عام لوگوں کے اونٹ اور گدھے چھین کر خضدار اور مشکے کے پہاڑی سلسلوں میں داخل ہوئے ہیں۔
تاہم حکام کا موقف اس آپریشن کے حوالے سے تاحال سامنے نہیں آئی ہے۔
دوسری جانب پنجگور سے اطلاعات ہیں کہ گذشتہ شب فورسز نے ایک شادی کی تقریب پر دھاوا بول کر تین افراد کو جبری گمشدگی کا شکار بناکر نامعلوم مقام منتقل کردیا ہے۔
لاپتہ ہونے والوں کی شناخت ضیاء ولد نور اللہ، انعام ولد اسحاق اور ماجد ولد عبدلحمید کے ناموں سے ہوئی ہے۔
