بلوچستان کے ساحلی علاقے گوادر سے اطلاعات ہیں کہ پاکستان فوج کے ایک اہلکار نے کمسن بچے کے ساتھ جنسی زیادتی کی کوشش کی ہے۔
واقعہ کے خلاف علاقہ مکینوں نے احتجاج سی پیک روڈ بند کردی ہے اور احتجاج جاری ہے۔
خیال رہے کہ بلوچستان میں اس نوعیت کے واقعات تواتر کے ساتھ رپورٹ ہوتے ہیں۔
اس سے قبل اکیس اپریل 2021 کو بلوچستان کے ضلع کیچ میں پیرا ملٹری فورس ایف سی کے اہلکاروں نے ایک کمسن لڑکے امیر مراد کو جنسی زیادتی کا نشانہ بناکر بے ہوشی کی حالت میں پھینک دیا۔
مقامی افراد نے واقعے کے خلاف احتجاج کرتے میں ہوشاپ میں شاہراہ کو بلاک کیا۔
واضح رہے کہ بلوچستان میں انسانی حقوق کی تنظیمیں اور بلوچ قوم پرست اکثر بلوچستان میں تعینات ایف سی، پیراملٹری فورس پر انسانی حقوق کی خلاف ورزیوں کے مرتکب ہونے کا الزام لگاتے رہے ہیں۔
اس سے قبل پاکستانی فورسز پر لوگوں کو اغواء اور لاپتہ کرنے کے علاوہ لوگوں کو قتل کرنے کے الزام متواتر لگائے جاتے رہے ہیں۔
