بلوچستان لبریشن فرنٹ کے ترجمان میجر گہرام بلوچ نے میڈیا میں جاری بیان شہید یحییٰ بلوچ اور شہید شعیب بلوچ کو خراج عقیدت پیش کرتے ہوئے کہا ہے کہ ستائیس فروری کو شام پانچ بجے کیچ کے علاقے شہرک کی پہاڑیوں میں دو سرمچاروں یحییٰ بلوچ اورشعیب بلوچ کا پاکستانی فوج اور مقامی ایجنٹوں سے اُس وقت سامنا ہوا جب وہ بہترم دروازگ کور (ندی) کی پہاڑیوں میں گشت پر تھے۔ اس سے ایک جھڑپ شروع ہوئی جو ڈیڑھ گھنٹے تک جاری رہی جس میں قابض فوج کے کئی اہلکار اور مقامی ایجنٹ ہلاک اور زخمی ہوئے ہیں،جبکہ مادر وطن کی دفاع میں بی ایل ایف کے دونوں سرمچار شہید ہوئے۔
ترجمان نے کہا کہ شہید لیفٹیننٹ یحییٰ عرف سِکے ولد رحیم بخش سکنہ شاپْک زمانہ طالب علمی سے بلوچ قوم پرستی کے سیاست میں سرگرم تھے۔ انہوں نے 2014 سے مسلح جدوجہد شروع کیا اور شہادت تک بلوچ وطن کی آزادی کیلئے خدمات سرانجام دیتے رہے۔
ترجمان نے کہا کہ شہید شعیب عرف ودار ولد دلسرد سکنہ شہرک اگست 2021 سے بی ایل ایف کی پلیٹ فارم سے مسلح جدوجہد میں شامل تھے۔ انہوں نے مختصر عرصے میں اپنی محنت اور لگن کی وجہ سے تنظیم میں اہم کارنامے سرانجام دئیے تھے۔
