بلوچستان کے ضلع واشک میں رات گئے نامعلوم مسلح افراد نے لیویز چوکی پر حملہ کرکے ایک لیویز اہلکار کو ہلاک اور ایک کو زخمی کردیا۔
تفصیلات کے مطابق گذشتہ رات واشک خاران روڈ دالی کے مقام پر قائم لیویز چوکی پر نامعلوم مسلح افراد نے حملہ کیا۔
حکام کے مطابق مذکورہ حملے میں لیویز کے دو اہلکار سیکنڈ انچارج نعمت اللہ سمالانی اور رحمت اللہ شدید زخمی ہوئے، جنیں لیویز فورس بیسمہ نے سول ہسپتال بسیمہ منتقل کرنے کے بعد مزید طبی امداد کے لئے کوئٹہ منتقل کر دیا تاہم راستے میں نعمت اللہ زخموں کی تاب نہ لاتے ہوئے چل بسا۔
دوسری جانب تحریک طالبان پاکستان نے حملے کی ذمہ داری قبول کرتے ہوئے اپنے ایک ساتھی کے مارے جانے کی بھی تصدیق کردی ہے۔
ترجمان ٹی ٹی پی نے دعویٰ کیا کہ حملے میں لیویز کے تین اہلکار ہلاک اور دیگر زخمی ہوئے، انہوں نے مزید کہا کہ اس کاروائی میں ٹی ٹی پی کا رکن انس بلوچ بھی ہلاک ہوگیا۔
