بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک بیان میں کہا ہے کہ گذشتہ روز آٹھ فروری بوقت شام ساڑھے سات بجے سرمچاروں نے کیچ کے علاقے مند میں ملا چات کے مقام پر قائم پاکستانی فوج کی چوکی پر راکٹ سے حملہ کیا اور فائرنگ کی۔
ترجمان نے کہا کہ راکٹ حملے اور فائرنگ سے قابض فوج کو جانی و مالی نقصان پہنچاہے۔
درین اثنا بی ایل ایف نے آواران کے علاقے جھاؤ میں موبائل فون ٹاور کو مشینری سمیت نذرآتش کرنے کی ذمہ داری قبول کرلی۔
ترجمان نے کہا کہ 9 فروری کی شام ضلع آواران میں جھاؤ نوندڑہ کے علاقے جلونٹی میں سرمچاروں نے پاکستان ٹیلی کمیونیکیشن لمیٹڈ کی موبائل فون سروس، یوفون کے ٹاور کو مشینری سمیت نذرآتش کیا۔
ترجمان نے کہا کہ بلوچستان کی آزادی تک دشمن فورسز اوراس کی تنصیبات پرحملے جاری رہیں گے۔
