بلوچستان کے ضلع آواران اور قلات میں ہونے والے دو مختلف واقعات میں دو افراد زخمی اور موبائل ٹاور تباہ ہوگئے۔
اطلاعات کے مطابق آواران کے تحصیل جھاؤ میں جمعہ کے روز بارودی سرنگ کے دو دھماکوں میں دو افراد زخمی ہوگئے۔ جنہیں طبی امداد دینے کے لئے ہسپتال منتقل کر دیا گیا۔
دھماکے کے بعد فورسز نے علاقے کا گھیراؤ کرکے تلاشی شروع کردی۔
دریں اثنا ضلع قلات کے علاقے پارود میں موبائل ٹاور کو نامعلوم افراد نے دھماکہ خیز مواد نصب کرکے تباہ کردیا جبکہ مشینری کو نذر آتش کردیا۔
آج ہونے والے دونوں واقعات کی ذمہ داری ابتک کسی نے قبول نہیں کیے ہیں تاہم ان علاقوں پاکستانی فورسز، مواصلاتی نظام بلوچ مسلح تنظمیوں کے نشانہ پر رہے ہیں۔
