سندھودیش روولیوشنری آرمی کے ترجمان سوڈھو سندھی نے نامعلوم مقام سے میڈیا کو جاری ایک بیان میں کہا کہ پنجاب جانے والی ہائی ٹرانسمیشن لائینوں کو جامشورو کے یوسف گوٹھ کے قریب بم دھماکوں سے نشانہ بنانے کی ذمہ داری قبول کرتے ہیں۔
بیان کے مطابق گذشتہ شب جامشورو کے یوسف کھوسو گوٹھ کے قریب پنجاب جانے والی 500kv ہائی ٹرانسمیشن لائینوں کے دونوں ٹاوروں کو بم دھماکوں سے نشانہ بنایا ہے۔
ترجمان نے کہا کہ پنجاب سندھ وطن پر جبری قبضہ کرکے سندھ کے وسائل کی لوٹ مار کر رہا ہے، اس لیے سندھ سے لوٹ کر پنجاب جانے والی تمام رسد و سپلائی لائن ایس آر اے کے ٹارگٹ پر ہے۔ ایس آر اے سندھ کی آزادی تک اپنی مزاحمتی جدوجہد جاری رکھنے کا عزم دُہراتی ہے۔
