بلوچستان لبریشن فرنٹ کے ترجمان میجر گہرام بلوچ نے میڈیا کوجاری کردہ اپنے ایک پریس ریلیز میں کہا ہے کہ بلوچ سرمچاروں کے خلاف قابض پاکستانی فوج کے مسلسل ڈرون حملوں کے پیش نظر بی ایل ایف کے سرمچاروں نے دشمن کو اپنی بچھائی جال میں پھنسا کر ضرب لگانے کی غرض سے 17اکتوبر 2022 بروز پیر حکمت عملی کے تحت فوج کے ایک مقامی ایجنٹ سے ضرورت کی چند اشیاء منگوا کر کولواہ کے پہاڑی علاقے پارکنڈ کور میں ایک جگہ پر رکھ دیا اور خود مذکورہ بالا اشیاء کو رکھنے کی جگہ کے آس پاس کمانڈوز اتارنے کے متوقع جگہوں پر چُھپ گئے۔
ترجمان کے مطابق حسب توقع کچھ گھنٹوں بعد فوجی ڈرون نے اشیاء کو چھپانے کی جگہ پر حملہ کرکے میزائل داغے۔
بیان میں کہا گیا ہے کہ ڈرون حملے کے ایک گھنٹہ کے اندر متعدد ہیلی کاپٹر وہاں پہنچے اوراپنے کمانڈوز اتارکر شیلنگ کرنے لگے۔
میجر گہرام نے کہا کہ پہلے سے تیار چھپے بی ایل ایف کے سرمچاروں نے کمانڈوز پر حملہ کردیا جس کے نتیجہ میں چار فوجی کمانڈو ہلاک اور متعدد زخمی ہوئے جبکہ اس جھڑپ میں شریک بی ایل ایف کے تمام ساتھی سرمچار بہتر گوریلا جنگی حکمت عملی کے تحت باحفاظت نکلنے میں کامیاب ہوگئے۔
