بلوچستان کے ضلع خضدار میں شوہر نے اپنی بیوی کو قتل کردیا۔
لیویز ذرائع کے مطابق واقعہ کے بعد قاتل موقع واردات سے فرار ہونے میں کامیاب ہوگیا جبکہ واقعہ محرکات تاحال معلوم نہیں ہوسکے ہیں۔
دوسری جانب بلوچستان کے ضلع پنجگور میں گذشتہ روز قتل ہونے والے ایاز بلوچ کے قاتل کو لیویز فورس نے پنجگور کے علاقے چیدگی سے گرفتار کرلیا ہے۔
ذرائع کے مطابق گذشتہ روز محمد نامی شخص نے اپنے ایک قریبی رشتہ دار نوجوان ایاز کو اپنے گھر بلا کر قتل کرکے فرار ہوگیا تھا جس کو آج لیویز فورس نے چیدگی کے مقام سے گرفتار کرلیا ہے۔
واقعہ کے محرکات حکام نے تاحال ظاہر نہیں کئے ہیں جبکہ علاقائی ذرائع کے مطابق گھریلو مسئلے کی وجہ سے یہ واقعہ پیش آیا ہے۔
