بلوچ اسٹوڈنٹس آرگنائزیشن پجار کے مرکزی ترجمان نے میڈیا کو بھیجے گئے اپنے بیان میں کہا ہے کہ بولان میڈیکل کالج میں بلوچستان کے غریب طلبا کا پیسہ پانی کی طرح بہایا گیا مگر میڈیکل طلباء کے رہائشی ہاسٹلز کی حالت ناقابل رہائش ہوگئی ہیں کالج پر خرچ ہونے والے فنڈ کرپشن کی نظر ہوگئے-
ترجمان کے مطابق تاریخ میں سب سے زیادہ فنڈ گذشتہ 18 ماہ میں ادارے کے لئے جاری ہوئے مگر ادارے کو بہتری کے بجائے تباہ حالی کی جانب دھکیلا گیا کالج انتظامیہ ادارے کی بربادی کا تماشا دیکھ رہی ہے طلباء کے مسائل میں آئے روز اضافہ ہورہا ہے کالج انتظامیہ میڈیکل طلباء پر تعلیم کے دروازے بند کررہی ہے-
بی ایس او ترجمان کا کہنا تھا ہماری تنظیم صوبے کے ہونہار غریب طلبا کے حقوق کا دفاع کرنا جانتی ہے طلبا کے حقوق غصب کرنے والواں کا محاسبہ کرینگے۔
ترجمان نے مزید کہا اعلیٰ حکام اور حکومت فوری نوٹس لے نااہل انتظامیہ کے خلاف فوری کاروائی کی جائے تاکہ ادارے کو مزید تباہی سے بچایا جاسکے بصورت دیگر انتظامیہ کرپشن کے خلاف شدید احتجاج کا طریقہ اپنائینگے-
