بلوچستان کے ضلع قلات میں پاکستانی فورسز کی گاڑی کو بم دھماکے میں نشانہ بنایا گیا ہے۔
ٹی بی پی نیوز ڈیسک کو موصول ہونے والی اطلاعات کے مطابق قلات کے علاقے منگچر میں پاکستانی فورسز فرنٹیئر کور کے گاڑی کو نامعلوم افراد نے راستے پر نصب دھماکہ خیز مواد کے ذریعے نشانہ بنایا ہے۔
دھماکے کے نتیجے میں فورسز اہلکاروں کے جانی نقصانات کی اطلاعات ہیں تاہم حکام نے تاحال اس حوالے سے کوئی موقف پیش نہیں کیا ہے۔
علاقائی ذرائع کا کہنا ہے کہ دھماکے کے بعد فورسز کی مزید نفری اور ایمبولنس کو مذکورہ مقام کیجانب جاتے ہوئے دیکھا گیا۔
