بلوچستان کے علاقے زیارت میں نامعلوم افراد رات گئے پاکستان فوج کے اعلیٰ فوجی آفیسر سمیت دو افراد کو اغواء کرکے اپنے ساتھ لے گئے ہیں۔
ذرائع کے مطابق اغواء ہونے والوں میں پاکستان فوج کا کرنل و ایک شخص شامل ہیں۔
خیال رہے کہ گذشتہ شب زیارت کے علاقے ورچوم سے مسلح افراد نے مذکورہ افراد کو اغواء کیا۔
بلوچستان حکومت اور لیویز کے مطابق مذکورہ افراد فیملی کے ہمراہ تفریح کیلئے زیارت جا رہے تھے۔ اغواء کار فیملی کو چھوڑ کر دو افراد کو ساتھ لے گئے ہیں۔
لیویز ترجمان کا کہنا ہے کہ مغویوں کی بازیابی کیلئے سرچ آپریشن جاری ہے جبکہ ٹی بی پی ذرائع کے مطابق گذشتہ رات سے پاکستان فوج کیجانب سے زیارت سے متصل علاقوں میں فضائی آپریشن کی جارہی ہے۔
واقعے کے محرکات تاحال معلوم نہیں ہوسکے ہیں اور نہ ہی کسی نے ذمہ داری قبول کی ہے۔
