بولان اور کیچ میں فوجی آپریشن

315

بلوچستان کے ضلع کیچ اور بولان میں فوجی آپریشن جاری ہے جس میں  پیدل فوجی دستوں کے علاوہ ہیلی کاپٹر بھی حصہ لے رہےہیں۔ 

تفصیلات کے مطابق کیچ کے علاقے سامی، عمر کہن، شاپک، ڈن سر اور گردنواح کے پہاڑی سلسلے میں آج صبح سے فوجی آپریشن جاری ہے۔ 

علاقائی ذرائع کے مطابق مذکورہ علاقے میں گولیوں اور گولوں کی آوازیں بھی سنی گئی ہیں تاہم دیگر تفصیلات معلوم نہیں ہوسکے۔

دوسری جانب بولان کے علاقے مارگٹ میں فوجی آپریشن جاری ہے جس میں پیدل فوجی دستے بڑی تعداد میں حصہ لے رہے ہیں۔ 

اطلاعات کے مطابق بولان میں نامعلوم افراد نے پاکستانی فورسز کو بم حملے میں نشانہ بنایا ہے۔ فورسز کو مارگٹ چونگی کے مقام پرنشانہ بنایا گیا جبکہ ذرائع دعویٰ کررہے ہیں کہ حملے میں فورسز کو نقصان کا سامنا رہا ہے تاہم نقصانات کے حوالے سے تاحال حکام کا موقف سامنےنہیں آیا ہے۔

خیال رہے کہ مذکورہ علاقے میں بلوچ آزادی پسند مسلح تنظیمیں متحرک ہیں تاہم آج ہونےوالے حملے کی ذمہ داری تاحال کسی نےقبول نہیں کی ہے۔