پاکستانی فورسز کے ہاتھوں حراست بعد لاپتہ ہونے والے افراد کے لواحقین کراچی پریس کلب کے سامنے احتجاجی کیمپ لگائے بیٹھےہیں۔
احتجاجی کیمپ میں لاپتہ افراد کے لواحقین اپنے پیاروں کی بازیابی کے لئے شریک ہیں ان لاپتہ افراد کو بلوچستان اور سندھ کےمختلف علاقوں سے حراست میں لیا گیا جو تاحال لاپتہ ہیں۔
بلوچ یکجہتی کمیٹی کراچی کی آرگنائزر آمنہ بلوچ نے ہفتہ کے روز کراچی پریس کلب کے باہر لاپتہ افراد کے لواحقین کی جانب سےلگائے جانے والے احتجاجی کیمپ میں میڈیا سے گفتگو کرتے ہوئے کہاکہ کراچی سے لاپتہ افراد کی بازیابی کی جدوجہد ایک پرامن اورجمہوری تحریک ہے لاپتہ افراد کے لواحقین قانون و آئین کے دائرے میں رہ کر بلوچ لاپتہ افراد کی جبری گمشدگی کے خلاف تحریکچلارہے ہیں حکومت اور اس کے ادارے قانون کا احترام کرکے لاپتہ افراد کو عدالتوں میں پیش کریں۔
آمنہ بلوچ نے حکومت سے مطالبہ کیا کہ جمہوری جدوجہد کا احترام کیا جائے اور قانون و آئین کے دائرے میں رہ کر سندھ میں لاپتہافراد کی بازیابی کو یقینی بنائیں اور ہماری جمہوری اور قانونی تحریک کو دبانے کے لئے طاقت کا استعمال نہ کریں۔
انہوں نے کہا کہ قانون نافذ کرنے والے ادارے ماورائے قانون کے مرتکب ہورہے ہیں جس سے سندھ میں بھی انسانی حقوق کی پامالیہورہی ہے۔ اس وقت بے شمار افراد سی ٹی ڈی اور وفاقی اداروں کے قید میں ہیں وہ بے گناہ ہیں۔
