تربت: ایف سی قافلے پر بم دھماکہ

715

بلوچستان کے ضلع کیچ کے مرکزی شہر تربت میں فرنٹیئر کور کے قافلے کو بم حملے میں نشانہ بنایا گیا ہے۔

پولیس ذرائع کے مطابق کیچ کور پل پر چوگان کنڈ کراس کے قریب پاکستانی فورسز ایف سی 147 ونگ کے قافلے کو بم حملے میںنشانہ بنایا گیا۔

علاقائی ذرائع کے مطابق دھماکے کی زد میں آنے سے فورسز کو جانی و مالی نقصانات کا سامنا کرنا پڑا ہے۔

دریں اثناء خضدار میں ایک موٹر سائیکل پر نصب بم کو برآمد کرکے ناکارہ بنا دیا گیا۔

فورسز حکام نے دعویٰ کیا ہے کہ وڈھ کے قریب ایک ہوٹل پر مشکوک موٹر سائیکل کھڑی تھی۔اطلاع ملنے پرحکام نے موٹر سائیکل کوتحویل میں لیا۔ تلاشی لینے پر 15 کلو دھماکہ خیز مواد پر مشتمل بم برآمد ہوا جسے ناکارہ بنا دیا گیا۔