بلوچستان کے ضلع کیچ میں کل رات پاکستانی فورسز نے ایک شخص کو حراست میں لینے کے بعد نامعلوم مقام منتقل کردیا ہے۔
لاپتہ ہونے والے نوجوان کی شناخت الطاف ولد دلمراد کے نام سے ہوئی ہے۔
فورسز نے آپریشن کیچ کے علاقے کولواہ بلور کے مقام پر کیا ہے،ذرائع کے مطابق دوران آپریشن پاکستانی فورسز کے مرد اہلکاروں کے علاوہ خواتین اہلکار بھی شامل تھے جنہوں نے خواتین و بچوں کو شدید تشدد کا نشانہ بنایا اور گھروں سے قیمتی سامان کا صفایا کردیا ہے۔
خیال رہے کہ بلوچستان میں جبری گمشدگیوں کے واقعات تواتر کے ساتھ جاری ہیں رواں ماہ ابتک بلوچستان و کراچی سمیت ملک کے دیگر حصوں سے درجنوں افراد فورسز کے ہاتھوں لاپتہ ہوئے ہیں
