بلوچستان کے ضلع نصیر آباد میں کل رات مسلح افراد نے گاڑی پر فائرنگ کرکے چار افراد کو ہلاک کردیا۔
تفصیلات کے مطابق کل رات نصیر آباد کے علاقے بابا کوٹ میں مسلح افراد نے فائرنگ کر کے ایک ہی خاندان کے 4 افراد کو قتل کر نے کے بعد حملہ آور فرار ہو گئے۔
پولیس کے مطابق گوٹھ مراد واہ میں 8 مسلح افراد نے اپنے ہی قبیلے کے افراد کی گاڑی پر حملہ کر کے فائرنگ شروع کر دی۔ فائرنگ کے نتیجے میں گاڑی میں موجود 4 افراد شہزاد، مجید، منظور اور مکھن جاں بحق ہو گئے۔
لاشوں کو پوسٹ مارٹم کے لیے ڈی ایچ کیو اسپتال ڈیرہ مراد جمالی منتقل کر دیا گیا ہے۔
پولیس کا کہنا ہے کہ واقعہ پرانی دشمنی کی وجہ سے پیش آیا جبکہ فرار ملزمان کی تلاش جاری ہے۔
