بلوچستان کے ضلع نصیر آباد میں ہونے والے ایک بم دھماکے میں ایک شخص ہلاک اور ایک زخمی ہوا ہے۔
باروی سرنگ کا دھماکہ نصیر آباد میں گندوا کے مقام پر ایک ٹینکر پہ ہوا ہے۔ دھماکے کی وجہ سے گاڑی کا ڈرائیور ہلاک جبکہ کنڈیکٹر زخمی ہوا ہے۔
لیویزذرائع کے مطابق گنداواہ روڈ پربارودی سرنگ کا دھماکہ ہوا جس کے نتیجے میں ایک شخص ہلاک اورایک زخمی ہوا۔
دھماکے کے بعد پولیس اورلیویزفورس کی بھاری نفری جائے وقوع پرپہنچ گئی۔ ریسکیو کارکنوں نے دھماکے میں ہلاک ہونے والے شخص کی لاش اورزخمی کوٹراما سینٹر ڈیرہ مراد جمالی منتقل کردیا۔
دھماکے کی تحقیقات جاری ہیں۔
