رکن پاکستان اسمبلی اور بلوچستان عوامی پارٹی کے رہنماء خالد مگسی نے اسلام آباد میں پریس کانفرنس کے دوران کہا ہے کہ ہم نے چار سال قبل فوج کے کہنے پر مسلم لیگ ن کی حکومت گرائی تھی۔
اسلام آباد میں اپوزیشن اتحاد کے ہمراہ پریس کانفرنس میں بلوچستان عوامی پارٹی نے تحریک عدم اعتماد کے معاملے میں اپوزیشن کا ساتھ دینے کا اعلان کیا۔
اس موقع پر ایک صحافی مطیع اللہ جان نے سوال پوچھا کہ آپ نے چار سال قبل کس کے کہنے پر بلوچستان کی حکومت گرائی تھی؟ آج آپ اس بات کو تسلیم کریں گے۔
اس کا جواب دیتے ہوئے خالد مگسی کا کہنا تھا کہ ٹیڑھے سوال کریں گے تو ایسے ہی جواب ملیں گے۔ جب فوج سیاست میں مداخلت کرتی ہے تو پھر بھی آپ انھیں چین سے نہیں رہنے دیتے اور اگر آج وہ سائیڈ پر ہیں تو آپ انھیں معاف نہیں کر رہے۔ آپ ایسی بات رہنے دیں۔
ان کا کہنا تھا کہ ہاں ہم نے چار سال قبل فوج کے کہنے پر بلوچستان کی حکومت گرائی تھی۔ اس موقع پر جمعیت علمائے اسلام کے سربراہ مولانا فضل الرحمان نے مداخلت کی اور کہا کہ اس قسم کے سوالات نہ پوچھے جائیں۔
