خضدار: باراتیوں کی گاڑی ٹرالر سے ٹکرا گئی، تین افراد ہلاک، متعدد زخمی

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع خضدار میں بارات لے جانے والی ویگن اور مخالفت سمت سے آنے والے ٹرالر میں تصادم کے نتیجے میں تین افراد ہلاک اور دس افراد زخمی ہوئے ہیں –

حادثہ خضدار کے علاقے وئیر کے مقام پر پیش آیا جب باراتیوں کی گاڑی ضلع خضدار کے تحصیل وڈھ کی جانب جارہی تھی –

زخمیوں اور جانبحق افراد میں خواتین و بچے بھی شامل ہیں-

مقامی افراد کے مطابق حادثے کے باعث زخمی کافی دیر تک پھنسے رہے، حادثے میں زخمی افراد میں کچھ کی حالت تشویشناک بتائی جاتی ہے –

مقامی انتظامیہ اور ریسکیو نے جائے وقوعہ پر پہنچ کر زخمیوں اور حادثے میں ہلاک افراد کو خضدار سول اسپتال منتقل کردیا ہے –