بلوچستان کے علاقے دکی میں دس سالہ بچی کے ساتھ ان کے قریبی رشتہ دار نے گھر جاکر زیادتی کا نشانہ بنایا ہے جبکہ پولیس نے لواحقین کی مدعیت میں ایف آئی آر درج کرکے ایک شخص کو گرفتار کرلیا۔
پولیس کے مطابق پرانا دکی کے علاقے کلی ٹھٹی میں دس سالہ بچی کے ساتھ زیادتی کا واقعہ رپورٹ ہوا ہے۔
پولیس تھانہ دکی میں درج ایف آئی آر کے مطابق دس سالہ بچی کے ساتھ اسکے قریبی رشتہ دار ساجد ولد پیر محمد ترین نے بچی کے گھر جاکر زیادتی کی ہے۔
پولیس کے مطابق دس سالہ بچی کے والدین وقوعہ کے وقت گھر پر موجود نہیں تھے۔
پولیس نے ملزم کو گرفتار کرکے واقعے کی ایف آئی آر درج کرلی اور متاثرہ بچی کو میڈیکل ٹیسٹ کیلئے لورالائی منتقل کردی۔ پولیس کے مطابق 25 سالہ ملزم بچی کا قریبی رشتہ دار ہے۔
