بلوچستان کے مختلف علاقوں میں خودکشی کے واقعات میں اضافہ دیکھنے میں آرہی ہے چوبیس گھنٹے کے دورانیہ میں بلوچستان کے ساحلی شہر گوادر سے دو خودکشی کے واقعات رپورٹ ہوئے ہیں۔
گذشتہ روز گوادر کے علاقے سربندن کے رہائشی نوجوان سیف اللہ ولد مولابخش نے خودکشی کرلی تھی۔
ذرائع کے مطابق مذکورہ نوجوان کافی عرصے سے بے روزگار تھا جس سے تنگ آکر انہوں نے اپنی زندگی کا خاتمہ کرلیا۔
تازہ اطلاعات کے مطابق پسنی کے وارڈ نمبر 7 پراھگ محلہ کے رہائشی آدم ولد چار شمبے نے پراھگ محلہ کے جنگل میں درخت سے لٹک کر خودکشی کرلی۔ تاہم خودکشی کی وجوہات معلوم نہ ہوسکیں۔
