بلوچستان کےضلع سبی میں ایک بم دھماکے میں دو افراد زخمی ہوئے ہیں۔
دھماکہ سبی کے علاقے کوٹ باروزئی کے مقام پر ایک تعمیراتی کمپنی پہ ہوا ہے، ذرائع کے مطابق دھماکے میں دو مزدور زخمی ہوئے ہیں۔
ذرائع بتارہے ہیں کہ سیمنٹ کی بوری اٹھاتے ہی دھماکہ ہوا اور زخمی ہونے والے مزدورں کا تعلق پنجاب سے بتایا جاتا ہے۔
اطلاع ملتے ہی لیویز فورس جائے وقوعہ پر پہنچ گئی لیویز فورس نے علاقے کو گھیرے میں لیا مزید تفتیش لیویز فورس کررہی ہے۔
خیال رہے کہ اس سے قبل سبی کے سب تحصیل بابر کچ میں فورسز پر ہونے والے بم دھماکے میں ایک اہلکار ہلاک، دو زخمی ہوئے ہیں۔
تاہم آج ہونے والے دونوں حملوں کی ذمہ داری تاحال کسی نے قبول نہیں کی ہے۔
