وائس فار بلوچ مسنگ پرسنز کے وائس چیئرمین ماما قدیر بلوچ نے آج احتجاجی کیمپ سے ایک ویڈیو پیغام جاری کرتے ہوئے کہا کہ سب سے پہلے میں آپ سب لوگوں کا شکریہ ادا کرنا چاہتا ہوں کہ آپ لوگوں نے میرے لیے نیک خواہشات کا اظہار کیا۔ بلوچ فرزندوں، بلوچستان سمیت دنیا بھر سے جن جن لوگوں نے میرے لیے نیک خواہشات کا اظہار کیا انکی تعداد اتنی زیادہ ہے کہ ایک ایک کرکے انکا نام نہیں لے سکتا۔
انہوں نے مزید کہا آپ لوگ روزانہ کی بنیاد پر دیکھ رہے ہیں کہ فوجی آپریشن اور بلوچوں کی اغواء کرنے کی عمل میں شدت سے تیزی آرہی ہے۔ روزانہ کی بنیاد پر درجنوں فرزند اغواکیے جارہے ہیں ۔
انہوں نے مزید کہا ریاستی پالیسی کے تحت بچوں سمیت بلوچ عوام کو پاکستانی فورسز براہ راست نشانہ بنا رہے ہیں۔ اسی پالیسی کے تحت گذشتہ دنوں ہوشاپ میں بچوں کو نشانہ بنایا جبکہ اس سے قبل تاج بی بی نامی خاتون فائرنگ کرکے قتل کیا گیا۔
انہوں نے مزید کہا میرا یہ پیغام بلوچوں سمیت دنیا بھر کے انسانی حقوق کے کارکنوں کے لیے ہیکہ لاپتہ افرد کے معاملے میں زیادہ سے زیادہ موثر آواز اٹھائیں۔
