بلوچستان کے ضلع سبی میں پاکستان فوج کی بڑی تعداد میں پیش قدمی دیکھنے میں آئی ہے جس کے باعث کاہان اور گردنواح میں فوجی آپریشن کے خدشے کا اظہار کیا جارہا ہے۔ دوسری جانب مشکے میں فوجی آپریشن کی اطلاعات موصول ہوئی ہے۔
ذرائع نے ٹی بی پی کو بتایا کہ سبی کے علاقے لہڑی میں گزی اور کیرے کے علاقوں میں گاڑیوں پر مشتمل قافلے کو دیکھا گیا ہے جبکہ سبی شہر میں گن شپ اور دیگر ہیلی کاپٹر پہنچ چکے ہیں۔
تاہم حکام نے تاحال اس حوالے سے کوئی موقف پیش نہیں کیا ہے۔
دریں اثناء مشکے کے مغربی پہاڑوں سلسلوں میں فوجی آپریشن کی اطلاعات موصول ہوئی ہے۔ علاقائی ذرائع کے مطابق اسپیت کوہ اور زنگ کے علاقوں میں فوجی آپریشن کی جارہی ہے تاہم کسی قسم کی جانی اور مالی نقصانات کے حوالے سے کوئی اطلاع نہیں مل سکی ہے۔
